Emakumea gogoratzen...

2016/10/10

Frankismoak errepresaliatutako emakumeak omendu dituzte Azkoienen. Horiek omentzeko eskultura bat inauguratu dute. Bertan izan dira Nafarroako Gobernuko ordezkariak.

Berria.- 2016.10.10

Errepresaliatutako emakumeen omenezko eskultura inauguratu dute Azkoienen. Iñigo Uriz / Argazki Press

Azkoiengo Argako parkean sortu dute harriz eratutako eskultura, 1936ko gerran eta Frankismoan errepresaliatutako emakumeak omentzeko. Patxi Fuertes, Angel Iribarren eta Javier Baztanena da lana, eta bertan hiru emakume ageri dira zuhaitz bat irudikatzen duen figura baten inguruan.

Oroimenaren Aldeko Emakumeak elkarteko presidente Josefina Camposen hitzartzearekin ekin diote ekitaldiari, eta Camposek berak inauguratu du, Juan Castillo alkatearekin batera, plaka bat. Halaber, bertan izan da Ana Ollo Nafarroako Gobernuko Herritarren eta Erakundeen Harremanetarako kontseilaria.

(Editorearen oharra: eskulturan ikusten diren harriz betetako hiru emakumeen "gonak", Elkarte eta erakunde ezberdinak bidalitako harriekin beteak dira, solidaritatea eta atxikimendua adieraziz. Harri bakoitzak beraien sinadura dauka. Goldatu Elkartea partaide den "Frankismoaren krimenen aurkako Euskal Plataforma"k ere bidali zuen bere harria.)